62 zjarrfikës me 18 automjete, si dhe dy helikopterë janë në luftë të ashpër me zjarrin në kryeqytetin serb, Beograd.
Zjarri ka shpërthyer në një qendër tregtare kineze, transmeton lajmi.net.
Sipas informacioneve të deritanishme nuk ka të lënduar. Shefi i Departamentit për Situata Emergjente, Luka Çaushiq, tha se shkak i shpërthimeve që u dëgjuan ishin bombolat e gazit nga restoranti i ushqimit të shpejtë që ndodhej aty.
Ambasadori i Kinës në Beograd Li Ming ka mbërritur në qendrën tregtare kineze në bllokun 70 ku ka rënë zjarri dhe ku shefi i Departamentit për Situata Emergjente, Luka Çaushiq, e ka njoftuar për shuarjen e tij. /Lajmi.net/